امن الدولة المصري - والغزال

جميع هذه النكات قيلت قبل خلع المخلوع اللامبارك





امن الدولة المصري - والغزال

الأف بى آى والمخابرات الأسرائيليه وأم الدوله المصرى عملوا مسابقه!!



أسرع فريق يدخل الغابه ويجيب غزال



المخابرات الأسرائيليه راحت وجابت غزال فى ربع ساعه



الأف بى آى راحت وجابت غزال فى ربع ساعه



أمن الدوله المصرى راح ورجع ومعاه حمار والحمار عمال يلطم ويقول ( وحياة أمى أنا غزال.. وحياة أمى غزال)

===================

احه احه.... لاتتنحى

قالها الشعب المصرى لسيدك

يوم مااخد خوازيق امثالك

طلع الدم صعيدى ف راسه

ترك الكرسى لغيره يحكمها



أما اليوم احنا نقولها لك

احه احه ... لازم تتنحى

ياراجل خليت ايامنا مجاعه

اللبدنجانه بقت للوحمه

خللى ف قلبك حبة رحمه



أوعى ف يوم تفتكرى ياحامل

أنك تتوحمى على اللحمه

دا عزوز قال شدوا حزامكم

اللى جاى مشد قد مقامكم



وعصاة العفريت لجماله

لما تبشبش حينغنغنا

بس فى يوم ماحييجى يعزى

يوم المعزى الكبرى يابلدى



يله ياطمطم قومى قوليله

قبل ماتسود على دماغكم

اصحى يابوجى وقوم اتنحى

احـــــه أحـــــه

لازم تتنحــــــــى

====================

نظيف راح لبوش ياخد قرض كالعاده فبوش حب يعقدهاله , برده كالعاده,

فبوش كان قاعد وجنبه قرد

بوش قال لنظيف: لو قدرت تخلى القرد ده يعيط, هأوافق على ال500 مليون.

نظيف وشوش القرد , فالقرد عيط.

بوش اتفاجا أوى فقال لنظيف: لو قدرت تخلى القرد يلطم, هأديك 600 مليون.

نظيف وشوش القرد, القرد قاعد يلطم ويعيط.

بوش اتفاجأ وقال لنظيف: بص بقه, لو قدرت تخلى القرد يرمى نفسه من الشباك, هاديك 900 مليون ومن غير فوايد.

نظيف وشوش القرد, القرد راح معيط ولاطم وجرى رمى نفسه من الشباك.

بوش قام من مكانه وقال لنظيف: أنا هأديكم 1000 مليون منحه لا ترد لو قلت لى انت قلت ايه للقرد.

نظيف قاله:

- أول مره قلت له أن عندنا رئيس جمهوريه بقاله 27 سنه فى الحكم . صعبنا على القرد راح معيط

- تانى مره قلت له ان الرئيس ده ناوى يفضل فى الحكم لحد مايموت. القرد راح معيط ولاطم على خده.

-تالت مره قلت له أن الئيس ده ناوى يحط ابنه بعد مايموت مكانه, القرد لقى مافيش فايده , فراح رامى نفسه من الشباك