اعجبني هذا التعليق فى موقع مصرواي وحبيت اني انشر الفكرة عنوان التعليق تعليق: مدام امال

اعجبني هذا التعليق فى موقع مصرواي وحبيت اني انشر الفكرة عنوان التعليق تعليق: مدام امال

اتفرج يا ريس

تعليق: مدام امال
بتاريخ: 6/10/2008 11:31:00 AM

لوسمحت يا جماعة انتم شايفين الفقر عامل ازاى الايام دى وغلاء المعيشة وفى ناس مش لاقية

تاكل ولا تشترى عيش لاولادها فانا بطلب منكم طلب ومش حيكلف حاجة خالص الطلب هو:

ياريت كل واحد عنده بقايا عيش او اكل بايت عنده او اى نوع من انواع الاكل حيرميه فى

الزبالة ياريت بدل ما يرمى البقايا دى فى الزبالة ياريت يحطها فى كيس بلاستيك صغير ويحط

الكيس الصغير ده جوه كيس الزبالة ويرمى الزبالة عادى فى ناس حتقولى ليه كل ده انا زمان

كنت بشوف الناس بتلم الاكل من الزبالة افتكرتهم بيلموه عشان طيور بيربوها او كده بس دلوقتى

انا شفت بعينى ومش بكدب شفت بعينى ناس بتفتش فى الزبالة على اكل واى اكل بيلاقوه بياكلوه

على طول حاسين بقول ايه ناس بتاكل من الزبالة مباشرة زى القطط والكلاب (وانا اسف فى

التشبيه) بس ارجوكم تخيلوا الصورة.فمش لازم وهما بيدوروا على الاكل نعذبهم اكتر ونرميه

فى وسط القاذورات والفضلات.فاتوسل اليكم كل واحد عنده اى بقايا طعام او اكل وحيرميه

فياريت يحطه فى كيس صغير جوا كيس الزبالة وحتى لو حبة رز بايت او عيش ناشف او اى

بقايا طعام انتا بتكرهه فى غيرك محتاجه.فى ناس حتقولى ياعم هو احنا لاقيين ناكل احنا فقراء

زيهم بس انا حقول لو انتا فقير اعرف انك بالنسبة للى بيمد ايده فى الزبالة انتا ملك بالنسبة له

ومعتقدش ان اى حد فينا حيقبل يمد ايده فى الزبالة وياكل منها مباشرة الا لو هو خلاص حيموت

من الجوع وبعدين انا مش بطلب من اى حد انه يحط فرخة مشوية جوه الكيس الصغير ويحط

الكيس الصغير جوه كيس الزبالة الكبير لا انا بطلب منكم جميعا سواء فقير او غنى مسلم ولا

مسيحى انكم تحطوا بقايا اكلكم اللى كده كده حيترمى فى الزبالة بقايا عيش او بقايا سمك او عظم

وجلد فراخ او مكرونة بايتة عندك اى حاجة مهما كانت حطها فى الكيس الصغير والغلابة

حياكلوها ومتقولش فى حد حياكل العك والقرف والاكل المخلوط على بعضه ده حقولك والله فى

ناس محتاجه.فارجوكم واتوسل اليكم ناخد الموضوع ده بجديةومحدش يتريق على كلامى لانى

مش كاتب رقم تليفونى وبقولكم انا بلم تبرعات ولا حد يدينى اكل واوزع عالفقراء لا انا بس

عايزنا نتكافل بالقليل وطبعا اللى يقدر يطلع الكتير ربنا يوفقه ويطلع.انا طولت عليكم واسف

جدا بس ياريت تنشروا الموضوع ده لاصحابكم واهاليكم ومعارفكم وحتى للناس اللى مبتدخلش

نت عرفوا كل الناس الطريقة دى وربنا يوفقنا

وانا من ناحيتي احب اضيف تعليق بسيط لو ان كل واحد يحاول انه اى اكل يتبقي منه انه يحفظه فى كيس مخصص ويحاول انه بقدر الامكان يفصل كيس
الطعام المتبقي عن طيس الزباله يكون مشكور واحب اذكركم ان مؤسسة الرسالة  ممكن تيجي لحد البيت عندك لو عاوز تتبرع باي شي مش هاتستفيد منه
مثل الملابس القديمة وعلب البلاستك واى اشياء اخري حيث يتم اعادة تصنيعها مره اخري واعطائها للفراء
تحياتي
للجميع